RAQAMLI PLATFORMALARNI YARATISHDA JAHON TAJRIBASINI O’RGANISH
Mustafaqulov O’ktam Ungboyevich
tayanch doktorant (PhD)
Kadrlar malakasini oshirish va
statistic tadqiqotlar instituti
E-mail: www.uktambek.uz@mail.ru
ORCID: 0000-0002-2302-211X
Annotatsiya
Bugungi kunning global jarayonida biznes shart-sharoitlari tez oʼzgarib bormoqda. Ushbu oʼzgarishlar barcha mavjud biznes modellariga va asosiy bozor ishtirokchilari oʼrtasidagi munosabatlar jarayoniga taʼsir qilmoqda. Shaxslararo va ishbilarmonlik aloqalarining texnologik imkoniyatlari, xizmat koʼrsatish darajasi va tezligiga qo’yilgan talablarning ortib borishi biznesni tubdan oʼzgartirish zarurligini koʼrsatmoqda.
Shu sababli raqamli platformalarni ishlatish jarayonida jahon tajribasidan foydalanish muhim ahamiyatga ega bo’lib, iqtisodiyotni raqamlashtirish yo’nalishlarining asosiylaridan biriga aylanmoqda.
Bu yo’nalish xoʼjalik subyektlari oʼrtasida samarali aloqalarni yaratish, hududiy va til bilan bog’liq toʼsiqlarni bartaraf etish, biznes jarayonlari samaradorligi va raqobat bardoshligini oshirish imkonini beradi. Raqamli platformalar oʼz oʼrnida milliy bozorning ham kengayishiga sharoit yaratib beradi. Raqamli platformalarning ushbu masalalari maqolada aks ettirilgan.
Kalit so’zlar: raqamli iqtisodiyot, raqamlashtirish, raqamli platforma, raqamli xizmatlar, korxona, innovatsiya, onlayn platforma, elektron tijorat.